Uktsie askh daaresjimmien åvteste åadtjoeji
Ålma mij dæjmetjejaepien göölemefestivaalesne akten 22 båeries ålman gaejpiem murhkesti tjuara uktsie askh faangkegåetesne tjahkasjidh.
Dïhte 20 jaepien båeries ålma mij dæjmetje jaepien göölemefestivaalesne akten 22 jaepien båeries ålman gaejpiem murhkesti, tjuara uktsie askh faangkegåetesne tjahkasjidh jïh 40 000 kråvnah böötine maeksedh don 22 jaepien båeries ålmese, Trønder-Avisa bïeljeli evteben gaskevåhkoen. Meadtoe lij kruepies kråahpeskaara. Dåapmosne tjåådtje don 22 jaepien båeries ålman gaejpie tsoepkenadti göökte sijjine, jïh dan gaavhtan ålma tjoeri operasjovnem vaeltedh.
Siströöndelagen digkiereakta veanhta dïhte 20 jaepien båeries ålma aajkojne tseepmi, jïh dan gaavhtan skaara joekoen stoerre sjïdti – jïh dan gaavhtan tjuara striengkies strååffem åadtjodh olles vielie numhtie darjoeh.
«Reakta aaj sæjhta tjïertestidh meadtohke sijjeste baatari bielelen goerehtidh guktie leerhkehtallijinie gåaradi», dåapmosne tjåådtje.
Kommentarer til denne saken