Snåasen orre pruvrehtæjjah

Duarstan tjïelteståvroetjåanghkoen mænngan tjïelteåvtehke healsoe, Ester Brønstad akte dejstie golme almetjijstie mah maehtieh provresalmetjh pruvrehtidh Snåasesne.

PRUVREHTÆJJAH: G.b: tjïelten åejvie Tone Våg, tjïelteåvtehke Ester Brønstad jïh Ola Kristian Johansen pruvrehtæjjine sjidtieh orrejaepien raejeste ij-gyrhkeles provrine Snåasen tjïeltesne.  Foto: -

RAERIESTIMMIE: Møyfrid Skavlan (Gk) jååhkesjimmiem åadtjoeji sov raeriestimmien åvteste akten gåalmeden, politihkeles jïjtjeraarehke pruvrehtæjjan bïjre Snåasesne. Guvvie: Birger Ringseth  Foto: Birger Ringseth

Sørsamisk

Dovne tjïelten åejvie jïh tjïelten mubpieåejvie leah pruvrehtimmiefaamoem åådtjeme ryöktesth ektievoetelaakesne. Men tjïelteståvroe meehti lissine dejtie golmide daam laavenjassem vedtedh aaj jeatjah tjïelten barkijidie jallh almetjeveeljeme almetjidie.

Møyfrid Skavlan (Gk) sïjhti aktem pruvrehtæjjam veeljedh mij ij leah politihkeles eadtjohke.

– Naakenidie maahta vihkeles årrodh mejtie pruvrehtæjja aktem politihkeles sijjiem åtna, Skavlan vïenhti mij lij ånnetji onterdamme gie dïhte meehti årrodh.Dïhte raeriesti tjïelteåvtehke healsoe, sujhteme jïh hokse goh akte gåalmede pruvrehtæjja.

– Åssjaldahke daejnie raeriestimmine lea jïjnje hijven healsoe jïh hokse aktene ektievoetesne gååvnesieh, Skavlan jeehti. Ij guhte jeatjebh baakoem veelti jïh raeriestimmie nænnoestamme sjïdti 12 steemmajgujmie uktsie vööste.

Ierielimmie

– Åå jemmede bielien. Jaavoe, daate lij stoerre ierielimmie, tjïelteåvtehke Ester Brønstad jeahta gosse Snåsningen ringki jïh satnem læhkoehti dejnie sov orre laavenjassine tjïelteståvroen mænngan. Ij lij raaktan dïsse ryöjredamme.

– Ijje, manne meatan fulkeme jïh aamhtesen bïjre lohkeme, men im måjhtajamme daate meehti sjyöhtehke årrodh, Brønstad jeahta.

– Datne disse aavodh?

– Tuhtjem gïerve vaestiedidh, manne fer bååhperisnie. Tjoerem vielie aamhtesen bïjre goerehtidh.

– Ih leah dam aarebi dorjeme?

– Ijje maa. Jïh ij sån dan gellie gyhtjelassh sjïdth, vïenhtem.

– Akte sijjie Snåasene gusnie datne vïenhth tjaebpies pruvredh?

– Ijje, tjaebpies hov lea Snåasesne, guktie sån gellie sijjieh. Dah mah edtjieh pruvredh sån jïjtjh daejrieh.

Sijjieh

Tjïelteståvroe aaj nænnoesti almetjh maehtieh pruvredh tjïelteståvroesavkesne Gilstadgået- esne, Vonheimesne jallh aktene jeatjah sjiehteles sijjesne dastegh pruvrehtæjja jïh provresalmetjh leah sïemes dan bïjre.

Pruvredh lea namhtah tjïelten jïjtse årroejidie dastegh provresalmetjh eah naan sjïere sjaavnjoeh utnieh provrese. Goh provre- salmetjh tjuerieh aaj buektiehtidh jaavoe jiehtedh eannan aktem tæjmoem, åvtelen tjïelten taksameetere aalka juhtedh.

Sørsamisk