Gåetie vaeriegaertienisnie edtja gorresovvedh båetijen aajkan

Sæjhta histovrijes gåetiem beerkedh

GJEFSJØEN: HV-12:n aarebi åvtehke Ebbe Deraas lea njueniehkisnie akten prosjektese gusnie sæjhta sertedh jïh dåvvodh dam båeries åejviegåetiem Jilliegaertienisnie (Vestergården) Gjefsjøen vaeriegaertienisnie.

Histovrijes: Gåetie Gjefsjøen lïhke åtnasovvi dejstie amerihkanen dåaroejijstie gæmhposne mij gohtjesåvva operasjon Rype mubpene veartenedåarosne. Guvvie: Nicolas Malmbekk Naels 

Nyheter

Gåetie gusnie ij guhte årroeminie daelie jïh lea eevre slahtjan, lij desnie gusnie doh ålmah årroejin mah lin meatan dennie gæmhposne mij gohtjesåvva operasjon Rype mubpene veartenedåarosne. Rype lij goh doh jeanatjommesh daejrieh dïhte aajnehke amerihkanen operasjovne nöörjen eatnamisnie mubpene veartenedåarosne, jïh gåetie daesnie dan åvteste aktem stoerre histovrijes aarvoem åtna. Deraas lea viehkine dïmperdæjjamïesteristie Nicolas Malmbekk Naels, aktem råajvarimmiesoejkesjem dorjeme juktie gåetiem beerkedh jïh dam dåvvodh guktie sjædta guktie lij 2. veartenedåaroen. Dïhte ussjede barkoe maahta joe aelkedh daan daelvien.