Riejries orre basaarine Bergkollesne

Snåasen Saniteetesiebrien barkoetjïerte Øverbygdesne lea preemijh basaarese dorjeme göökte jaepieh.

BASAARE: G.b: Åvtehke Grete Sildnes Øverbygda barkoetjïertesne jïh åelkiesbielesne såemies dejstie preemijijstie barkoetjïerte riejries åtna basaarese. Guvvie: Øverbygda barkoetjïerte jïh Birger Ringseth  Foto: Øverbygda arbeidslag og Birger Ringseth

Sørsamisk

– Mijjen leah vielie goh 500 tombolapreemijh jïh naa gellie åejviepreemijh, åvtehke Grete Sildnes Øverbygda barkoetjïertesne mojjehte. Dïhte lea åvtehkinie ovrehte göökteluhkie eadtjohke lïhtsegidie mah fuehpesne orreme gurredh, beapmoeh jurjiehtidh jïh jïjnje vielie dan minngemes tïjjen. Minngemes aejlegen rïhkeden edtjieh vuerpieh doekedh jïh dovne gïetevætnoe jïh njaelkies beapmoe leah njaelkies preemijh Bergkollesne. Beetnegh basaareste edtjieh voenges råajvarimmide juhtedh. Siebriedahkegåetie Bergkollen, Snåsatråkkk, laatege Bjørganisnie, Snåasen skïemtjegåetie, Hovteigen jïh plåamsterh jåvlide dejtie mah 80 jaepieh illeme leah daej råajvarimmiej gaskem.

– Mijjieh sïjhtebe almetjh båetieh. Desnie åådtje almetjh råakedh jïh mijjieh gaskebiejjiem, laadtegegïhpem, prïhtjegem jïh maam akt lissine utnebe.